OʻZBEKISTON RESPUBLIKASI SOGʻLIQNI SAQLASH VAZIRINING

BUYRUGI

2019yil “20” 06

№ 163

Toshkent sh.

Республика аҳолисига замонавий ва сифатли тиббий ёрдам кўрсатилиши бўйича тасдиқланган индикатор кўрсаткичлари асосида тиббий ҳисоботларни шакллантириш тўғрисида

Ўзбекистон Республикаси Президентининг 2018 йил 7 декабрдаги “Ўзбекистон Республикаси соғлиқни сақлаш тизимини тубдан такомиллаштириш бўйича комплекс чора-тадбирлар тўғрисида”ги ПФ-5590-сонли Фармони ижроси бўйича 2019–2025 йилларда Ўзбекистон Республикаси соғлиқни сақлаш тизимини ривожлантириш концепцияси асосида натижаларга эришиш даражаси ва уларнинг самарадорлигини ошириш индикаторлари мунтазам мониторингини олиб бориш мақсадида буюраман:

1. Қуйидагилар:

барча даволаш-профилактика муассасалари томонидан Соғлиқни сақлаш вазирлигига тақдим этиладиган ҳисобот жадваллари 1-иловага;

Соғлиқни сақлаш тизимини такомиллаштириш ва самарадорлигини ошириш бўйича индикатор йўриқномаси 2-иловага мувофиқ тасдиқлансин.

2.Қорақалпоғистон Республикаси соғлиқни сақлаш вазири, Тошкент шахар соғлиқни сақлаш бош бошқармаси, вилоятлар соғлиқни сақлаш бошқармалари бошлиқлари ҳамда Республика тасарруфидаги муассасалар раҳбарларига:

мазкур буйруқнинг 1-иловасидаги ҳисоботларни июль ва январ ойининг 15-санасига қадар Соғлиқни сақлаш вазирлигининг соғлиқни сақлаш статистикаси ва ҳисоблари бўлимига тақдим этиш;

даволаш-профилактика муассасалари масъул ходимлари томонидан бирламчи бўғин тиббиёт ходимларига доимий равишда 2-илова бўйича амалий-услубий ёрдам кўрсатишни уларнинг асосий вазифалари этиб белгилаш;

йил давомида индикатор кўрсаткичлари асосида амалга оширилган ишлар бўйича мониторинг олиб бориш;

мониторинг натижаларини ҳар ярим йилликда тиббий кенгашларда муҳокама қилиш вазифалари юклатилсин.

Индикатор кўрсаткичлари асосида ҳисоботларнинг ўз муддатида тақдим этилиши ва ҳаққонийлигига даволаш-профилактика муассасалари раҳбарлари шахсан жавобгар ҳисобланади.

4. Республика ихтисослаштирилган илмий-амалий тиббиёт марказлари раҳбарларига ҳудудлардаги саломатлик кўрсаткичларига соҳа вертикали бўйича доимий равишда амалий-услубий ёрдам кўрсатиш ва мониторингини олиб бориш вазифалари юклатилсин.

5. Соғлиқни сақлаш вазирлиги Йиғма ахборот-таҳлил бошқармаси (М.Мўминов) вазирликнинг тегишли таркибий бўлинмалари билан биргаликда барча даволаш-профилактика муассасалари томонидан ҳисоботлар ўз вақтида тақдим этилишини назоратга олсин.

6. Ушбу буйруқнинг ижросини назорат қилиш вазирнинг биринчи ўринбосари Б.Юсупалиев ва вазир ўринбосари Э.Баситханова зиммаларига юклатилсин.

Вазир

А.Шадманов