Президентнинг фармон, қарор ва фармойишлари

1972
Распечатать
27 Сен 2021

СОҒЛИҚНИ САҚЛАШ СОҲАСИНИ КОМПЛЕКС РИВОЖЛАНТИРИШГА ДОИР ҚЎШИМЧА ЧОРА-ТАДБИРЛАР ТЎҒРИСИДА

Ўзбекистон Республикаси Президентининг

Қарори

Соғлиқни сақлаш соҳасини комплекс ривожлантиришга доир қўшимча чора-тадбирлар тўғрисида

Соғлиқни сақлаш тизимида давлат бошқарувини такомиллаштириш, бирламчи бўғинни касалликларни эрта аниқлайдиган ва даволайдиган тизимга айлантириш, рақамлаштириш ишларини жадаллаштириш, cоҳа ривожланишининг яқин ва узоқ муддатли истиқболларини белгилаш, тиббий хизматлар ҳажмини ошириш ва сифатини тубдан яхшилаш, рақобат ва хусусий секторни қўллаб-қувватлаш, тиббиёт ходимларининг билимини ошириш, таълим ва илм-фанни ривожлантириш мақсадида:

  1. Вазирлар Маҳкамаси ҳамда Давлат хизматини ривожлантириш агентлигининг Соғлиқни сақлаш вазирлиги раҳбариятининг асосий фаолият йўналишларини белгилаш ва қуйидаги янги бошқарув тизимини жорий этиш тўғрисидаги таклифлари маъқуллансин:

а) соғлиқни сақлаш вазири А.М. Хаджибаев:

вазирлик тизими ва идоравий мансуб ташкилотлар фаолиятига умумий раҳбарлик қилади, улар ишини самарали ташкил этишини таъминлайди, юклатилган вазифалар ва функциялар тўлиқ бажарилиши учун шахсан жавоб беради, мазкур ташкилотлар билан боғлиқ масалалар бўйича қарорлар қабул қилади;

шошилинч тиббий ёрдам, республика тиббиёт (республика ихтисослаштирилган илмий-амалий тиббиёт марказларидан ташқари) ҳамда тиббий таълим муассасалари фаолиятини ташкил этади, раҳбарлари фаолиятини баҳолайди, лавозимга тайинлайди ва лавозимидан озод этади, улар учун жиҳоз, дори ва тиббиёт воситалари сотиб олиш бўйича тендерлар ўтказиш ваколатларини, тизимда коррупциянинг олдини олишга қаратилган барча чора-тадбирларни амалга оширади;

б) соғлиқни сақлаш вазирининг биринчи ўринбосари А.Ш. Иноятов:

оилавий шифокор пункти, оилавий поликлиника, туман (шаҳар) кўп тармоқли марказий поликлиника ва шифохонасида (кейинги ўринларда — бирламчи тиббий-санитария муассасалари) тиббий хизматларни кўрсатишга ва сифатига, уларни жиҳозлашга ҳамда тиббиёт ходимларининг билим ва малакасини оширишга шахсан масъул ҳисобланади;

бирламчи тиббий-санитария муассасаларида штатлар нормативи, шифокорлар ва ўрта тиббиёт ходимларига малака талаблари, жиҳозлаш стандартларини ҳамда даволаш протоколларини тасдиқлайди, шартномаларни имзолайди, улар раҳбарлари фаолиятини баҳолайди, номзодларни беради, лавозимга тайинлаш ва лавозимидан озод этиш бўйича кўриб чиқилиши мажбурий бўлган таклифлар киритади, ушбу муассасалар учун жиҳоз, дори ва тиббиёт воситалари сотиб олиш бўйича тендерлар ўтказиш ваколатларини амалга оширади, ушбу муассасалар фаолиятига оид қарорлар қабул қилади;

в) соғлиқни сақлаш вазирининг ўринбосари А.А. Азизов:

тиббиёт соҳасида рақамлаштириш, молиялаштириш, давлат-хусусий шерикликни жорий қилиш ва ривожлантиришга шахсан масъул ҳисобланади ҳамда мазкур масалалар бўйича қарорлар қабул қилади;

юклатилган вазифаларни амалга ошириш учун тендерлар ўтказади, шартномалар имзолайди, рақамлаштириш, молиялаштириш, давлат-хусусий шериклик масалалари бўйича давлат тиббиёт муассасалари раҳбарларига номзодларни беради, лавозимга тайинлаш ва лавозимидан озод этиш бўйича кўриб чиқилиши мажбурий бўлган таклифлар киритади, халқаро молия ташкилотлари билан ишлаш масалалари бўйича мустақил қарорлар қабул қилади;

г) соғлиқни сақлаш вазирининг ўринбосари У.Ю. Собиров:

республика ихтисослаштирилган илмий-амалий тиббиёт марказлари (кейинги ўринларда — республика ихтисослаштирилган марказлари) ва кўп тармоқли вилоят шифохоналарини ислоҳ қилиш, уларни бирламчи тиббий-санитария муассасалари билан боғлаш ҳамда жойларда ишлаш тизимини йўлга қўйиш бўйича шахсан масъул ҳисобланади;

республика ихтисослаштирилган марказлари ва уларнинг филиаллари раҳбарларига номзодларни бериш, раҳбарларни лавозимга тайинлаш ва лавозимидан озод этиш бўйича кўриб чиқилиши мажбурий бўлган таклифлар киритиш, уларни жиҳозлаш бўйича лойиҳалар ишлаб чиқиш, тендерлар ўтказиш ва шартномалар тузиш, ушбу марказларга бюджет маблағлари ва бепул даволанишга ордерларни тақсимлаш, шунингдек, даволаш протоколларини тасдиқлаш ваколатларини амалга оширади;

д) соғлиқни сақлаш вазирининг ўринбосари Э.И. Баситханова:

оналар ва болаларни хавф гуруҳларига ажратиб, улар билан манзилли ишлашни ташкил этиш, аҳоли ўртасида соғлом турмуш тарзини шакллантиришга шахсан масъул ҳисобланади;

оналик ва болалик масалаларида халқаро ташкилотлар грантларини жалб қилиш, маблағларни тақсимлаш, маҳаллий ижро этувчи органлар, маҳалла, ёшлар, спорт ва таълим соҳаларидаги давлат органларининг соғлом турмуш тарзи бўйича фаолиятини мувофиқлаштириб бориш ваколатини амалга оширади.

Соғлиқни сақлаш вазирлиги (А. Хаджибаев) бир ой муддатда мазкур бандда кўрсатилган асосий йўналишлар ҳамда жорий этилаётган янги бошқарув тизимидан келиб чиқиб:

соғлиқни сақлаш вазири ўринбосарларининг аниқ вазифалари ва функциялари тақсимотини;

Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари билан биргаликда ҳудудий соғлиқни сақлаш органларининг аниқ вазифалари ва функциялари тақсимотини тасдиқласин;

вазирлик марказий аппаратида инвестициядан кейинги даврни мониторинг қилиш учун амалдаги штатлар сони доирасида масъул бўлган таркибий бўлинма ташкил этсин.

  1. 2021 йил 15 июндан бошлаб бирламчи тиббий-санитария муассасаларида дори ва тиббий буюмлар учун бириктирилган аҳоли жон бошига ажратилган маблағ миқдори ўртача 3 бараварга оширилсин.

Молия вазирлиги (Т. Ишметов) ушбу мақсад учун 2021 йил инвестиция лойиҳаларини мақбуллаштириш ҳисобидан 165 миллиард сўм миқдорида маблағ ажратсин ҳамда ушбу бандда назарда тутилган харажатлар учун зарур маблағларни 2022 йилдан бошлаб Давлат бюджети параметрларида кўзда тутсин.

Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари Иқтисодий тараққиёт ва камбағалликни қисқартириш вазирлиги (И. Норқулов, А. Бобоев), Соғлиқни сақлаш вазирлиги (А. Хаджибаев) билан биргаликда бир ҳафта муддатда тиббиёт соҳасида инвестиция лойиҳаларини мақбуллаштириш ҳисобига ҳар бир вилоят кесимида иқтисод қилинадиган маблағларни аниқласин.

  1. Соғлиқни сақлаш вазирлиги (А. Хаджибаев, А. Иноятов):

а) Давлат бошқаруви академияси (А. Бекмуродов) билан биргаликда илғор хорижий тажриба асосида тиббиёт соҳасида бошқарув бўйича икки ҳафталик ўқув курсларини ташкил этсин ва йил якунига қадар вилоят, туман (шаҳар) тиббиёт бошқармалари бошлиқларининг ўқитилишини таъминласин.

Бунда, ўқув курсларини ташкил этиш билан боғлиқ харажатлар Тиббиёт ташкилотларини моддий рағбатлантириш ва ривожлантириш жамғармаси маблағлари ҳисобидан амалга оширилади;

б) Давлат хизматини ривожлантириш агентлиги (А. Хасанов) билан биргаликда бир ой муддатда барча соғлиқни сақлаш тизими ташкилотлари раҳбарлари фаолиятини баҳолаш рейтингини жорий этсин ҳамда ҳар чоракда натижаларни Ўзбекистон Республикаси Президенти Администрацияси ва Вазирлар Маҳкамасига киритиб борсин;

в) Молия вазирлиги (Т. Ишметов), Иқтисодий тараққиёт ва камбағалликни қисқартириш вазирлиги (И. Норқулов) ҳамда Давлат тиббий суғуртаси жамғармаси (Ф. Шарипов) билан биргаликда бир ой муддатда Жаҳон соғлиқни сақлаш ташкилоти тавсияларидан келиб чиқиб, бирламчи бўғинда тиббий ёрдамнинг кафолатланган ҳажмлари рўйхатини тасдиқлаб, барча ҳудудларда амалиётга киритсин.

  1. «Ўзавтосаноат» АЖ (Ш. Умурзаков) 2021 йил 1 октябрга қадар жойларда, айниқса олис ва чекка ҳудудларда аҳолини манзилли профилактика ва скрининг қилиш ишларини ташкил этиш учун зарур ускуналар билан жиҳозланган махсус автобусларнинг камида 3 та тажриба намунасини яратсин ва киритсин.
  2. Белгилаб қўйилсинки, 2021 йил 1 июндан бошлаб:

а) Қорақалпоғистон Республикаси Соғлиқни сақлаш вазирлиги, вилоятлар соғлиқни сақлаш бошқармалари ва Тошкент шаҳар соғлиқни сақлаш бош бошқармаси тузилмаларига амалдаги штат бирликлари доирасида бошлиқнинг рақамлаштириш ва давлат-хусусий шериклик бўйича ўринбосари лавозими жорий қилинади. Бунда, ушбу лавозимларга тайинланаётган шахсларнинг аввалги давлат ташкилотларидаги иш жойи бўйича ойлик иш ҳақи миқдори юқори бўлган тақдирда, уларнинг аввалги иш жойи бўйича ойлик иш ҳақи миқдори сақлаб қолинади.

Рақамлаштириш ва давлат-хусусий шериклик бўйича ўринбосар ўз фаолиятида бевосита соғлиқни сақлаш вазири ўринбосари А. Азизовга бўйсунади ва ҳисобдор бўлади ҳамда А. Азизов Қорақалпоғистон Республикаси Соғлиқни сақлаш вазирлиги, вилоятлар соғлиқни сақлаш бошқармалари ва Тошкент шаҳар соғлиқни сақлаш бош бошқармаси фаолиятининг рақамлаштириш натижадорлиги бўйича масъул ҳисобланади, уларнинг ишига баҳо беради;

б) ҳар бир оилавий шифокор пункти, оилавий поликлиника ҳамда туман (шаҳар) кўп тармоқли марказий поликлиникасида электрон тизим билан ишлайдиган бир нафардан IT оператор — ҳамшира лавозими киритилади. Бунда, ушбу лавозимлар Ўзбекистон Республикаси Президентининг 2021 йил 5 майдаги «Соғлиқни сақлаш тизимида олиб борилаётган ислоҳотларни изчил давом эттириш ва тиббиёт ходимларининг салоҳиятини ошириш учун зарур шарт-шароитлар яратиш тўғрисида»ги ПФ-6221-сон Фармонига мувофиқ ажратилаётган штат бирликлари ҳисобидан шакллантирилади;

Олдинги таҳрирга қаранг.

Ўзбекистон Республикаси Президентининг 2021 йил 5 майдаги «Соғлиқни сақлаш тизимида олиб борилаётган ислоҳотларни изчил давом эттириш ва тиббиёт ходимларининг салоҳиятини ошириш учун зарур шарт-шароитлар яратиш тўғрисида»ги ПФ-6221-сон Фармонига мувофиқ ажратилаётган штат бирликларини сақлаш билан боғлиқ харажатлар 2021 йил давлат бюджети параметрларида коронавирус пандемиясига қарши курашиш ва вакцина сотиб олиш учун кўзда тутилган маблағлар ҳисобидан қопланади, 2022 йилдан бошлаб эса давлат бюджети параметрларида кўзда тутилади;

(5-бандининг «б» кичик банди Ўзбекистон Республикаси Президентининг 2021 йил 28 июлдаги ПҚ-5199-сонли қарорига асосан хатбоши билан тўлдирилган — Қонунчилик маълумотлари миллий базаси, 29.07.2021 й., 07/21/5199/0721-сон)

в) бошқа туман (шаҳар) ҳамда барча вилоят ва республика даволаш-профилактика муассасаларида уларнинг амалдаги штат бирликлари доирасида IT оператор — ҳамшира лавозими киритилади.

  1. Бош вазир маслаҳатчиси О.М. Умаров, Ахборот технологиялари ва коммуникацияларини ривожлантириш вазирлиги (Ш. Садиков), Соғлиқни сақлаш вазирлиги (А. Азизов):

икки ҳафта муддатда IT оператор — ҳамширалар ҳамда бошқа соғлиқни сақлаш тизими ходимларининг компьютер саводхонлигини ошириш мақсадида уларни ўқитиш бўйича дастур ишлаб чиқсин;

режа-жадвалга асосан IT оператор — ҳамширалар ҳамда бошқа соғлиқни сақлаш тизими ходимларининг компьютер саводхонлигини ошириш мақсадида уларни туман (шаҳар) IT марказларида бепул ўқитиш машғулотларини ташкил этсин.

  1. Соғлиқни сақлаш вазирлиги (А. Азизов) Ахборот технологиялари ва коммуникацияларини ривожлантириш вазирлиги (О. Пекось), бошқа манфаатдор вазирлик ва идоралар билан биргаликда 2021 йил 1 сентябрга қадар соҳада катта тажрибага эга бўлган маҳаллий ва хорижий мутахассислар ҳамда ташкилотларни жалб этган ҳолда Соғлиқни сақлаш соҳасини 2025 йилгача рақамлаштириш (E-health-2025) стратегиясини ва уни амалга оширишга доир йиллар бўйича «Йўл харитаси»ни тасдиқлашни назарда тутувчи Ўзбекистон Республикаси Президентининг қарори лойиҳасини Вазирлар Маҳкамасига киритсин.
  2. Давлат тиббиёт муассасаларини 2021 — 2023 йилларда замонавий компьютер жиҳозлари билан таъминлаш режа-жадвали 1-иловага мувофиқ тасдиқлансин.

Молия вазирлиги (Т. Ишметов) 2021 йил якунига қадар 17 400 та замонавий компьютер жиҳозларини харид қилиш билан боғлиқ маблағлар халқаро молия институтлари маблағлари ҳисобидан, етмаган қисми эса ҳар йили Давлат бюджетида Соғлиқни сақлаш вазирлиги учун кўзда тутилган маблағлар доирасида амалга оширилишини назарда тутсин.

Олдинги таҳрирга қаранг.

Соғлиқни сақлаш вазири ўринбосари (А. Азизов)га тизимни рақамлаштириш учун замонавий компьютер ва ахборот техника воситаларини энг яхши таклифларни танлаб олиш йўли билан харид қилишга, истисно тариқасида, рухсат берилсин.

(8-банднинг учинчи хатбошиси Ўзбекистон Республикаси Президентининг 2021 йил 10 сентябрдаги ПФ-6311-сонли Фармони таҳририда — Қонунчилик маълумотлари миллий базаси, 10.09.2021 й., 06/21/6311/0861-сон)

  1. Белгилаб қўйилсинки:

Соғлиқни сақлаш вазирлигида марказлашган харидлар натижасида иқтисод қилинган бюджет маблағлари тиббиёт соҳасини рақамлаштиришга қаратилган лойиҳаларни амалга ошириш ва кенгайтириш, IT-соҳасидаги етакчи маҳаллий ва хорижий мутахассислар ҳамда компанияларни жалб қилишга йўналтирилади;

Соғлиқни сақлаш вазирлиги тизимини ислоҳ қилишга ажратиладиган халқаро молия институтлари ва хорижий ҳукумат молиявий ташкилотлари маблағлари ҳисобидан молиялаштириладиган лойиҳаларда товарлар (ишлар, хизматлар)ни давлат харид комиссияси таркиби Вазирлар Маҳкамаси томонидан тасдиқланади.

  1. 2021 йил 1 июлдан бошлаб туман (шаҳар) тиббиёт бирлашмаларида компьютер жиҳозлари бўйича техник ходим лавозимлари компьютер техникаси хизмати бўйича муҳандис лавозимларига алмаштирилсин ҳамда улар зиммасига замонавий ахборот технологиялари ва коммуникацияларини жорий қилиш ҳамда ривожлантириш вазифалари юклансин.

Бунда, компьютер техникаси хизмати бўйича муҳандисларга бериладиган ҳар ойлик устама миқдори ходим лавозим маошидан 100 фоиздан кам бўлмаган миқдорда белгиланади.

  1. Соғлиқни сақлаш вазирлиги Молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда давлат тиббий суғуртаси тизими жорий этилишини тезлаштириш мақсадида 2021 йил 1 августдан бошлаб бошқа ҳудудларда ҳам босқичма-босқич қуйидаги чора-тадбирларни амалга оширсин:

тиббий жиҳозлар, буюмлар, компьютер техникаси ва бошқа воситаларни хатловдан ўтказиш, шунингдек, тиббий ходимлар рўйхатини шакллантириш;

тиббиёт муассасаларини кафолатланган пакетга киритилган тиббий хизматларни кўрсатиш учун зарур бўладиган тиббий техника билан жиҳозлаш;

оилавий шифокор йўлланмаси асосида кафолатланган пакетга киритилган бепул тиббий хизматлар кўрсатиш тизимини ташкил этиш.

Бош вазир ўринбосари Б.А. Мусаев, Молия вазирлиги (Т. Ишметов) ва Соғлиқни сақлаш вазирлиги (А. Азизов) Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда бир ой муддатда тиббий суғурта тизимининг алоҳида элементларини бошқа ҳудудларда жорий қилишни бошлаш юзасидан аниқ таклиф киритсин.

  1. Белгилансинки, 2021 йил 1 июлдан бошлаб иш стажи беш йил бўлмаган олий маълумотли тиббиёт ходимларини нодавлат тиббиёт ташкилотларига ишга қабул қилиш билан боғлиқ талаблар давлат тиббиёт муассасаларига тенглаштирилади.

Санитария-эпидемиологик осойишталик ва жамоат саломатлиги хизмати (Б. Юсупалиев) бир ой муддатда нодавлат тиббиёт ташкилотлари фаолиятини ташкил этишда бино ва иншоотларга белгиланган санитария қоидалари, нормалари ва гигиена нормативларини халқаро стандартлардан келиб чиқиб, қайта кўриб чиқсин.

  1. 2021-2022 йилларда Қорақалпоғистон Республикаси, вилоятлар ва Тошкент шаҳрида республика ихтисослаштирилган илмий-амалий тиббиёт марказлари филиалларини ташкил этиш режа-жадвали 2-иловага мувофиқ тасдиқлансин.

Белгилансинки:

а) янги ташкил қилинаётган филиаллар Қорақалпоғистон Республикаси, вилоятлар ва Тошкент шаҳар тиббиёт муассасаларининг негизида, уларнинг амалдаги штат бирликлари ва ажратилган маблағлар доирасида, шунингдек, юридик шахс мақомга эга бўлмаган асосда ташкил қилинади;

б) соғлиқни сақлаш вазири ўринбосари У. Собиров ва республика ихтисослаштирилган марказлари раҳбарлари филиаллар томонидан:

касалликларни жойларда барвақт аниқлаш, профилактик чора-тадбирларни амалга ошириш, маҳорат дарсларини ўтказиш;

диагностика ва даволашнинг замонавий усулларини жорий этиш, юқори сифатли тиббий хизматларни кўрсатиш, шу жумладан телетиббиётни жорий этиш ва ривожлантириш;

касалликлар регистрини яратиш, илмий тадқиқотларни олиб бориш ва амалиётга татбиқ этиш, шунингдек, улар фаолиятига оид бошқа масалаларни (тиббий жиҳозлар ва асбоб-ускуналар билан таъминлаш, малакали мутахассислар билан тўлдириш) ҳал қилиш юзасидан шахсан масъул ҳисобланади.

  1. Соғлиқни сақлаш вазирлиги (Э. Баситханова):

а) 2021 йил 1 августдан бошлаб Қорақалпоғистон Республикаси, вилоятлар ва Тошкент шаҳрида перинатал ва скрининг марказлари ҳамда бирламчи тиббий-санитария муассасаларидаги оналар ва болалар саломатлигига масъул тузилмалар («Аёллар маслаҳатхонаси», пренатал скрининг хонаси, «тиббиёт бригадалари» таркибидаги оилавий шифокор, педиатр ва бошқалар)нинг ҳомиладор аёлни комплекс кузатуви бўйича қуйидаги чора-тадбирларни назарда тутувчи ўзаро ҳамкорлик ва мувофиқлаштирилишини таъминловчи ягона тизимни жорий этсин:

ҳомиладор аёлнинг комплекс кузатуви ягона маълумотлар базасини яратиш;

перинатал ва скрининг марказлари ҳамда бирламчи тиббий-санитария муассасаларидаги оналар ва болалар саломатлигига масъул тузилмалар томонидан ягона маълумотлар базасига зарур маълумотларни киритиш, шунингдек, ҳомиладор аёлларнинг тиббий картасини юритиш;

шаклланган маълумотларга асосан ҳомиладор аёлларга зарур маслаҳатларни бериш;

б) соғлиқни сақлаш вазирининг ўринбосари А. Азизов билан биргаликда ҳомиладор аёлни энг эрта муддатларда ҳисобга олиниши, унинг ҳар кунги ҳолатидаги ўзгаришларни комплекс назорат қилиб бориш учун 2021 йил якунига қадар ягона электрон база яратилишини таъминласин;

в) Мактабгача таълим вазирлиги (А. Шин) ва Халқ таълими вазирлиги (Ш. Шерматов) билан биргаликда икки ой муддатда мактабгача таълим ташкилотлари ва мактабларда тўғри овқатланишни йўлга қўйиш мақсадида 2021/2022 ўқув йилидан бошлаб янгиланган овқатланиш рационини ҳамда ушбу йўналиш билан шуғулланувчи тадбиркорлик субъектларига бўлган талабларни тасдиқласин ва амалиётга киритсин. Бунда, болаларнинг соғлиғига зарар ва ривожланишига салбий таъсир кўрсатадиган барча озиқ-овқат маҳсулотларини мактабгача таълим ташкилотлари ва мактаблар ҳудудида сотишга чекловлар қўйилсин.

Санитария-эпидемиологик осойишталик ва жамоат саломатлиги хизмати (Б. Юсупалиев) мактабгача таълим ташкилотлари ва мактабларда болаларнинг соғлом ва хавфсиз овқатланишини таъминлаш мақсадида белгиланган санитария қоидалари, нормалари ва гигиена нормативларига сўзсиз риоя этилиши устидан назоратни кучайтирсин.

  1. Молия вазирлиги (Т. Ишметов):

оналар ва болалар, репродуктив ёшдаги аёллар саломатлигини таъминлаш учун зарур дори ва тиббиёт воситалари («К» витамин, сурфактант ва бошқалар) билан қўшимча таъминлаш учун Давлат бюджетидан 2021 йилда 26 миллиард сўм ажратсин, 2022 йилдан бошлаб мазкур банддаги харажатлар учун зарур маблағларни Давлат бюджети параметрларида кўзда тутсин;

болалар тиббиёт ва туғуруқ муассасаларида юқори технологик лаборатор ускуналаридан тўлақонли ва самарали фойдаланиш мақсадида 2022 йилдан бошлаб Давлат бюджетидан реактив, реагентлар, сарфлов анжомлари ҳамда сервис хизматлар учун қўшимча 8 миллиард сўм ажратсин.

  1. Соғлиқни сақлаш соҳасида амалга оширилаётган ислоҳотларни тезлаштириш бўйича «Йўл харитаси» 3-иловага мувофиқ тасдиқлансин.
  2. Соғлиқни сақлаш вазирлигининг Ўзбекистон Республикаси соғлиқни сақлаш тизимини 2030 йилгача ривожлантириш стратегиясини халқаро экспертлар ва ташкилотлар билан биргаликда ишлаб чиқиш тўғрисидаги таклифи қабул қилинсин.

Вазирлар Маҳкамаси, Молия вазирлиги Соғлиқни сақлаш вазирлигининг асослантирилган буюртмаларига кўра Вазирлар Маҳкамасининг захира жамғармаси маблағлари ҳисобидан «Соғлиқни сақлаш стратегияси — 2030»ни ишлаб чиқиш, хорижий ва маҳаллий экспертлар ҳамда ташкилотларни жалб қилиш билан боғлиқ харажатларни молиялаштириш чораларини кўрсин.

  1. Ўзбекистон Республикаси Президенти маслаҳатчисининг биринчи ўринбосари Л.Н. Тўйчиев Соғлиқни сақлаш вазирлиги (А. Хаджибаев), Давлат хизматини ривожлантириш агентлиги (А. Хасанов) билан биргаликда бир ой муддатда соғлиқни сақлаш вазири ўринбосарлари, ҳудудий соғлиқни сақлаш бошқармалари бошлиқлари фаолиятини баҳолаш тизимини жорий этсин ҳамда ҳар ярим йил якуни билан тегишли таклифларни киритиб борсин.

Бунда, натижа кўрсатган, хизмат сифатини яхшилаб, аҳолини рози қилган раҳбарларни тегишли Соғлиқни сақлаш вазирлиги тизими ташкилотлари маблағлари ҳисобидан рағбатлантириш ҳамда ишларни қониқарсиз ташкил этган масъул кадрларга чора кўриш белгилансин.

  1. Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига ўзгартириш ва қўшимчалар 4-иловага мувофиқ киритилсин.
  2. Соғлиқни сақлаш вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
  3. Ушбу қарорнинг ижросини самарали ташкил этишга масъул ва шахсий жавобгар этиб соғлиқни сақлаш вазири А.М. Хаджибаев, унинг ўринбосарлари А.Ш. Иноятов, А.А. Азизов, У.Ю. Собиров, Э.И. Баситханова, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари белгилансин.
  4. Мазкур қарорнинг ўз вақтида ва натижали ижро этилишини назорат қилиш Ўзбекистон Республикаси Бош вазирининг ўринбосари Б.А. Мусаев ва Ўзбекистон Республикаси Президенти маслаҳатчисининг биринчи ўринбосари Л.Н. Тўйчиев зиммасига юклансин.

Амалга оширилаётган чора-тадбирлар натижадорлиги юзасидан ҳар чоракда Ўзбекистон Республикаси Президентига ахборот бериб борилсин.

Ўзбекистон Республикаси Президенти Ш. МИРЗИЁЕВ

Тошкент ш.,

2021 йил 25 май,

ПҚ-5124-сон

Ўзбекистон Республикаси Президентининг 2021 йил 25 майдаги ПҚ-5124-сон қарорига
1-ИЛОВА

Давлат тиббиёт муассасаларини 2021 — 2023 йилларда замонавий компьютер жиҳозлари билан таъминлаш

режа-жадвали

Фазалар

Муддат

Компьютер жиҳозлари сони

Олувчилар

1-фаза

2021 йил

17 400 та

Оилавий шифокор пунктлари, оилавий поликлиникалар ва туман (шаҳар) кўп тармоқли марказий поликлиникалар

2-фаза

2022 йил

16 100 та

Даволаш-профилактика муассасалари ва туман (шаҳар) шифохоналари

3-фаза

2023 йил

12 400 та

Вилоят ва республика шифохоналари

Жами

45 900

Ўзбекистон Республикаси Президентининг 2021 йил 25 майдаги ПҚ-5124-сон қарорига
2-ИЛОВА

2021-2022 йилларда Қорақалпоғистон Республикаси, вилоятлар ва Тошкент шаҳрида республика ихтисослаштирилган илмий-амалий тиббиёт марказлари филиалларини ташкил этиш

режа-жадвали

Т/р

Марказлар номи

Қорақалпоғистон республикаси

Андижон вилояти

Бухоро вилояти

Жиззах вилояти

Қашқадарё вилояти

Навоий вилояти

Наманган вилояти

Самарқанд вилояти

Сурхондарё вилояти

Сирдарё вилояти

Тошкент вилояти

Фарғона вилояти

Хоразм вилояти

Тошкент шаҳри

Жами

1.

Республика ихтисослаштирилган эндокринология илмий-амалий тиббиёт маркази

1

       

1

     

1

 

1

 

1

5

2.

Республика ихтисослаштирилган кардиология илмий-амалий тиббиёт маркази

   

1

             

1

   

1

3

3.

Республика ихтисослаштирилган терапия ва тиббий реабилитация илмий-амалий тиббиёт маркази

         

1

               

1

4.

Республика ихтисослаштирилган травматология ва ортопедия илмий-амалий тиббиёт маркази

 

1

1

1

1

1

     

1

 

1

1

1

9

5.

Республика ихтисослаштирилган хирургия илмий-амалий тиббиёт маркази

 

1

     

1

1

1

           

4

6.

Республика ихтисослаштирилган нейрохирургия илмий-амалий тиббиёт маркази

1

1

 

1

1

1

1

   

1

1

 

1

1

10

7.

Республика кўз микрохирургияси ихтисослаштирилган илмий-амалий тиббиёт маркази

 

1

 

1

1

1

1

1

 

1

1

1

 

1

10

8.

Республика аллергология илмий-ихтисослаштирилган маркази

 

1

     

1

1

           

1

4

9.

Республика ихтисослаштирилган нефрология ва буйрак трансплантацияси илмий-амалий тиббиёт маркази

1

1

 

1

1

1

1

1

1

1

1

1

 

1

12

10.

Республика ихтисослаштирилган урология илмий-амалий тиббиёт маркази

1

1

 

1

1

1

1

1

 

1

1

1

   

10

11.

Республика ихтисослаштирилган наркология илмий-амалий тиббиёт маркази

1

1

1

1

1

1

1

1

 

1

1

1

1

1

13

12.

Республика ихтисослаштирилган гематология илмий-амалий тиббиёт маркази

 

1

 

1

1

1

1

1

 

1

1

1

 

1

10

Жами

5

9

3

7

7

11

8

6

1

8

7

7

3

9

91

Ўзбекистон Республикаси Президентининг 2021 йил 25 майдаги ПҚ-5124-сон қарорига
3-ИЛОВА

Соғлиқни сақлаш соҳасида амалга оширилаётган ислоҳотларни тезлаштириш бўйича

«Йўл харитаси»

Т/р

Чора-тадбирлар номи

Амалга ошириш механизми

Ижро муддати

Масъул ташкилотлар

I. Соғлиқни сақлаш тизимини ташкиллаштириш

(А. Хаджибаев)

1.

Олий тиббий таълим муассасаларида бюджетдан ташқари ҳамда халқаро молия ташкилотларининг маблағлари ҳисобидан ўқув-симуляцион марказларни замонавий ўқув-амалий жиҳозлар билан таъминлаш.

1. Олий тиббий таълим муассасаларидаги ўқув-симуляцион марказларни инвентаризациядан ўтказиш ҳамда қўшимча жиҳозлаш эҳтиёжини аниқлаш.

2. Олий тиббий таълим муассасаларининг тўлов- контракт асосида тушадиган маблағлари, бюджетдан ташқари ҳамда халқаро молия ташкилотларининг маблағлари ҳисобидан ўқув-симуляцион марказларини замонавий ўқув-амалий жиҳозлар билан таъминлаш бўйича Вазирлар Маҳкамасига таклиф киритиш.

3. Ўқув-симуляцион марказларини замонавий ўқув-амалий жиҳозлар билан таъминлаш.

2021 йил сентябрь

Соғлиқни сақлаш вазирлиги, Олий ва ўрта махсус таълим вазирлиги, Инвестициялар ва ташқи савдо вазирлиги

2.

Олий тиббий таълим муассасаларидаги экспериментал лабораториялар фаолиятини такомиллаштириш ва моддий-техника базасини мустаҳкамлаш.

Олий тиббий таълим муассасаларидаги экспериментал лабораториялар моддий-техника базасини олий таълим муассасаларининг тўлов- контракт асосида тушадиган маблағлари, бюджетдан ташқари ҳамда халқаро молия институтлари маблағлари ҳисобидан мустаҳкамлаш.

2021 йил сентябрь

Соғлиқни сақлаш вазирлиги, Олий ва ўрта махсус таълим вазирлиги

3.

Олий тиббий таълим муассасаларининг клиник кафедраларини республика ихтисослаштирилган илмий-амалий тиббиёт марказлари базасида жойлаштириш.

1. Олий тиббий таълим муассасаларининг клиник кафедраларини республика ихтисослаштирилган илмий-амалий тиббиёт марказлари базасида жойлаштириш.

2. Кафедраларнизарур жиҳозлар, мебель, инвентарлар ҳамда самарали иш олиб бориши учун бошқа керакли моддий-техника воситалари, методик материаллар билан таъминлаш.

3. Кафедраларниюқори малакали ва тажрибали мутахассислар билан тўлдириш.

2021 йил сентябрь

Соғлиқни сақлаш вазирлиги

4.

Соғлиқни сақлаш тизимидаги ҳар бир раҳбарлик лавозимини бугунги ислоҳотни тушунадиган, малакали, фаол ва ўзгариш қилишга қодир бўлган кадрлар билан таъминлаш.

1. Соғлиқни сақлаш тизимидаги раҳбар кадрлар рўйхатларини шакллантириш.

2. Соғлиқни сақлаш тизимидаги раҳбар кадрлар захирасини шакллантириш.

3. Раҳбарлик лавозимини бугунги ислоҳотни тушунадиган, малакали, фаол ва ўзгариш қилишга қодир бўлган малакали кадрлар билан таъминлаш чораларини кўриш.

2021 йил август

Вазирлар Маҳкамаси, Соғлиқни сақлаш вазирлиги, Давлат хизматини ривожлантириш агентлиги

5.

Кадрларни тайёрлаш ва қайта ўқитиш йўналишларига янгича ёндашувни жорий этиш мақсадида республикада фаолият юритаётган 11 та тиббиёт олийгоҳлари ҳамда Тиббиёт ходимларининг касбий малакасини ривожлантириш марказини трансформация қилиш бўйича аниқ чораларни кўриш.

1. Олий тиббий таълим муассасалари фаолиятини янада такомиллаштириш бўйича тегишли норматив-ҳуқуқий ҳужжат лойиҳаларини ишлаб чиқиш ва киритиш.

2021 йил июль

Соғлиқни сақлаш вазирлиги, Олий ва ўрта махсус таълим вазирлиги, Таълим сифатини назорат қилиш инспекцияси, Тошкент тиббиёт академияси

2. Тошкент тиббиёт академиясида илғор хорижий тажриба асосида, тиббиёт соҳасида бошқарувчилар ҳамда юқори технологик ускуналар билан ишлайдиган мутахассислар тайёрлаш бўйича янги йўналишларни ташкил этиш.

3. Иқтидорли ва малакали тиббиёт мутахассисларини қўллаб-қувватлаш ҳамда тиббиёт муассасаларига жалб қилиш жамғармаси маблағлари ҳисобидан ординатура ва магистратурада ўқиётган 30 нафар иқтидорли ёшларни нуфузли хорижий тиббиёт марказларида малака оширишга юбориш чораларини кўриш.

4. Тошкент тиббиёт академиясига Европа ва бошқа ривожланган давлатлардан профессор-ўқитувчиларни жалб қилиш.

2021-2022 йиллар давомида

6.

Хорижий давлатларда фаолият олиб бораётган 500 нафар ватандошларни Ўзбекистонга қайтариш чораларини кўриш.

1. Хорижий давлатларда фаолият олиб бораётган ватандошлар рўйхатини шакллантириш.

2. Уларни Ўзбекистонга қайтариш чораларини кўриш.

3. Ватандошларни уй-жой билан таъминлаш ва зарур шарт-шароитлар яратиш, ижтимоий ҳамда моддий қўллаб-қувватлаш чораларини кўриш.

2021-2022 йиллар давомида

Соғлиқни сақлаш вазирлиги, Ташқи ишлар вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари

II. Бирламчи тиббий-санитария муассасалари фаолиятини ташкиллаштириш

(А. Иноятов)

7.

Иссиқ сув билан таъминлаш мақсадида ҳар бир оилавий шифокор пунктлари ва оилавий поликлиникаларни қуёш коллекторлари билан жиҳозлаш.

1. Ҳар бир оилавий шифокор пункти ва оилавий поликлиникаларни инвентаризациядан ўтказиш ва эҳтиёжни аниқлаш.

2. Ҳар бир оилавий шифокор пункти ва оилавий поликлиникаларни қуёш коллекторлари билан жиҳозлаш режа-графиклари ва дастурларни ишлаб чиқиш ҳамда тасдиқлаш.

3. Оилавий шифокор пункти ва оилавий поликлиникаларни қуёш коллекторлари билан жиҳозлаш.

2021 йил октябрь

Соғлиқни сақлаш вазирлиги, Молия вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари

8.

Ҳар бир оилавий шифокор пунктлари ва оилавий поликлиникаларни тоза ичимлик суви билан таъминлаш.

1. Ҳар бир оилавий шифокор пункти ва оилавий поликлиникаларни инвентаризациядан ўтказиш ва тоза ичимлик сувига бўлган эҳтиёжини аниқлаш.

2. Оилавий шифокор пункти ва оилавий поликлиникаларни тоза ичимлик суви билан таъминлаш режа-графиклари ва дастурларни ишлаб чиқиш ҳамда тасдиқлаш.

3. Оилавий шифокор пункти ва оилавий поликлиникаларни тоза ичимлик суви билан таъминлаш.

2021-2022 йиллар давомида

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Соғлиқни сақлаш вазирлиги, Молия вазирлиги

9.

«Тиббиёт бригадалари»га бириктирилган 50 минг ўрта тиббиёт ходимларининг Жаҳон соғлиқни сақлаш ташкилоти тавсиялари асосида малака оширишини таъминлаш.

1. Ўрта тиббиёт ходимларини малака ошириш режа-жадвалини тасдиқлаш.

2. Жаҳон соғлиқни сақлаш ташкилоти билан ҳамкорлик ўрнатиш.

3. Режа-жадвалга асосан ўрта тиббиёт ходимларининг малакасини ошириш.

2021 йил якунига қадар

Соғлиқни сақлаш вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари

10.

Соғлиқни сақлашнинг бирламчи бўғинида амалга оширилаётган ислоҳотларнинг мазмун-моҳиятини, аҳоли саломатлигини таъминлаш билан боғлиқ тадбирларни оммавий ахборот воситаларида кенг ёритиш ишларини ташкил этиш.

Бирламчи тиббий-санитария муассасалари томонидан тиббий хизматларни кўрсатиш, тиббий профилактика ва патронажни ташкил этиш, соғлом турмуш тарзини шакллантириш борасида олиб борилаётган ишлар бўйича медиа-режа ишлаб чиқиш ва ижросини таъминлаш.

2021 йил июль

Соғлиқни сақлаш вазирлиги, Ахборот ва оммавий коммуникациялар агентлиги, Ўзбекистон Миллий ахборот агентлиги, Ўзбекистон Миллий телерадиокомпанияси

III. Тиббиёт соҳасида рақамлаштириш, молиялаштириш, давлат-хусусий шерикликни жорий қилиш ва ривожлантириш

(А. Азизов)

11.

Соғлиқни сақлаш соҳасини рақамлаштириш ишларини жадаллаштириш ва сифатини ошириш.

Соғлиқни сақлаш соҳасини рақамлаштириш ишларини жадаллаштириш ва сифатини ошириш мақсадида халқаро молия институтлари ва ташкилотларининг маблағларини жалб этиш бўйича таклиф тайёрлаш ва Вазирлар Маҳкамасига киритиш.

2021 йил октябрь

Соғлиқни сақлаш вазирлиги, Инвестициялар ва ташқи савдо вазирлиги, Молия вазирлиги

12.

Германиянинг «KFW» банкининг 45 миллион евро миқдоридаги имтиёзли кредитларини жалб этиш чораларини кўриш.

Германиянинг «KFW» банкининг 45 миллион евро миқдоридаги имтиёзли кредитларини жалб этиш бўйича Ҳукумат қарори лойиҳасини тайёрлаш ва ўрнатилган тартибда киритиш.

2021 йил август

Соғлиқни сақлаш вазирлиги, Молия вазирлиги, Инвестициялар ва ташқи савдо вазирлиги

13.

Нодавлат тиббиёт ташкилотлари томонидан «Электрон соғлиқни сақлаш» ахборот тизими ягона комплекси доирасида фаолиятлари юзасидан тиббий ҳисобот шакллари бўйича ҳар чоракда электрон ҳисобот тақдим этиш механизмини жорий қилиш.

1. Давлат ва нодавлат тиббиёт муассасалари томонидан электрон шаклда топшириладиган тиббий ҳисобот шакллари ва тартибини ишлаб чиқиш.

2021 йил июль

Соғлиқни сақлаш вазирлиги

2. «Электрон соғлиқни сақлаш» ахборот тизими ягона комплекси доирасида тиббий ҳисобот шакллари бўйича ҳисоботларни қабул қилувчи ахборот тизимини жорий қилиш.

2021 йил якунига қадар

3. Барча давлат ва нодавлат тиббиёт муассасаларига тиббий ҳисобот шакллари бўйича ҳисоботларни қабул қилувчи ахборот тизимига уланиш учун имконият яратиш.

4. Тиббий ҳисобот шакллари бўйича ҳисоботларни қабул қилувчи ахборот тизимини жорий қилиш ва кейинги кузатувини таъминлаш ва ривожлантириш учун ажратилган бюджет маблағлари, Соғлиқни сақлаш вазирлигининг бюджетдан ташқари маблағлари, халқаро молия институтларининг кредитлари ва грантлари, шунингдек, қонунчилик ҳужжатларида тақиқланмаган бошқа манбаларни йўналтириш.

2022 йил 1 январдан бошлаб

14.

Соғлиқни сақлаш соҳасида давлат-хусусий шериклик лойиҳаларини амалга оширишда муддатларни қисқартириш.

?збекистон Республикаси Президентининг 2019 йил 16 апрелдаги «Соғлиқни сақлаш соҳасида давлат-хусусий шерикликни ривожлантириш чора-тадбирлари тўғрисида»ги ПҚ-4290-сон қарори ва бошқа ҳужжатларга ўзгартириш ва қўшимчалар киритиш бўйича белгиланган тартибда Вазирлар Маҳкамасига таклиф киритиш.

2021 йил июль

Молия вазирлиги, Адлия вазирлиги, Соғлиқни сақлаш вазирлиги

15.

Тиббиёт муассасаларида халқаро молия институтлари ва хорижий ҳукумат молия ташкилотлари кредитлари ва грантлари ҳисобидан олинган тиббий ускуна ва жиҳозлардан фойдаланиш самарадорлигини ошириш, уларга сервис хизматларини кўрсатиш тизимини такомиллаштириш.

1. Бош вазир ўринбосари (Б. Мусаев) раҳбарлигида комиссия ташкил этиш.

2. Тиббий ускуна ва жиҳозларни тўлиқ хатловдан ўтказиш.

3. Тиббий ускуна ва жиҳозлардан фойдаланиш самарадорлигини ошириш, уларга сервис хизматларини кўрсатиш тизимини такомиллаштириш юзасидан Ўзбекистон Республикаси Президенти Администрациясига таклиф киритиш.

2021 йил август

Вазирлар Маҳкамаси, Соғлиқни сақлаш вазирлиги, Инвестициялар ва ташқи савдо вазирлиги

IV. Ихтисослаштирилган тиббий ёрдам кўрсатишни янада ривожлантириш

(У. Собиров)

16.

Республика ихтисослаштирилган илмий-амалий тиббиёт марказларининг 30 нафар мутахассисларини хорижий давлатларда малака оширишини таъминлаш.

1. Республика ихтисослаштирилган илмий-амалий тиббиёт марказларининг 30 нафар малакали ва ёш мутахассисларини хорижий давлатларда малака ошириш графикларини шакллантириш.

2. 30 нафар мутахассисларни марказларнинг ўз маблағлари ҳисобидан хорижий давлатларда малака оширишини таъминлаш.

2021 йил август

Соғлиқни сақлаш вазирлиги, республика ихтисослаштирилган илмий-амалий тиббиёт марказлари

17.

Республика ихтисослаштирилган илмий-амалий тиббиёт марказлари фаолиятини ислоҳ қилиш, уларнинг бирламчи тиббий-санитария муассасалари билан интеграциясини таъминлаш, ихтисослаштирилган тиббий хизматни қуйи бўғинга қадар етказиш бўйича янги механизмни жорий этиш.

1. Республика ихтисослаштирилган илмий-амалий тиббиёт марказлари фаолиятини ислоҳ қилиш, бирламчи бўғин тиббиёт муассасаси тартибидаги интеграциясини таъминлаш, ихтисослаштирилган тиббий хизматни қуйи бўғинга қадар етказиш бўйича янги механизмни жорий этиш бўйича таклифлар тайёрлаш.

2. Тиббиёт соҳаси бирламчи бўғини фаолиятини такомиллаштириш бўйича тақдимот қилиш.

2021 йил июль

Соғлиқни сақлаш вазирлиги, республика ихтисослаштирилган илмий-амалий тиббиёт марказлари

18.

Республика ихтисослаштирилган илмий-амалий тиббиёт марказларига хорижий давлатлардан тиббиёт бошқаруви экспертларини жалб қилиш чораларини кўриш.

1. Европа давлатлари, Корея, Россия, Туркия сингари давлатлардан тиббиёт бошқаруви экспертлари билан музокаралар олиб бориш.

2. Республика ихтисослаштирилган илмий-амалий тиббиёт марказларига Европа давлатлари, Корея, Россия, Туркия сингари давлатлардан тиббиёт бошқаруви экспертларини жалб қилиш чораларини кўриш.

2021 йил якунига қадар

Вазирлар Маҳкамаси, Соғлиқни сақлаш вазирлиги

19.

Тор доирадаги хизматлар йўлга қўйиладиган ҳудудий тиббиёт муассасаларини ангиограф, лапароскоп, сунъий қон айлантириш каби юқори технологик ускуналар ва тиббиёт воситалари билан таъминлаш.

1. Ҳудудий тиббиёт муассасалари моддий-техника базасини инвентаризациядан ўтказиш, юқори технологик ускуналар ва тиббиёт воситаларига эҳтиёжни аниқлаш.

2. Юқори техно?огик ускуналар ва тиббиёт воситалари билан таъминлашга маҳаллий бюджет ҳисобидан зарур маблағларни ажратиш.

3. Юқори технологик ускуналар ва тиббиёт воситалари билан таъминлаш.

2021 йил июнь

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Соғлиқни сақлаш вазирлиги

V. Оналик ва болаликни муҳофаза қилиш

(Э. Баситханова)

20.

Ўсмир қизларни соғлом оналикка тайёрлашдан бошлаб, ҳомиладорлик, ирсий касалликларнинг олдини олиш, туғуруқ ва ундан кейинги давргача бўлган барча жараёнларда комплекс қамраб олиш.

1. Ўсмир қизларни тиббий кўрикдан ўтказиш учун «мобиль скрининг бригадалари»ни ташкил этиш.

2. Тез тиббий ёрдам махсус автотранспортларни харид қилиш натижасида фойдаланишдан чиқарилаётган тез тиббий ёрдам машиналари ҳисобидан «мобиль скрининг бригадалари» автотранспорт воситаси билан таъминлаш ва уларни зарур ускуналар (портатив ультратовуш аппарати ва бошқалар) билан жиҳозлаш чораларини кўриш.

2021 йил якунига қадар

Соғлиқни сақлаш вазирлиги,

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Соғлиқни сақлаш вазирлиги

21.

Умумтаълим мактабларининг ошхоналари давлат-хусусий шериклик асосида ошхона ёки буфет қуриш, таъмирлаш ва жиҳозлаш, ҳудудда ошхона фаолияти йўлга қўйилмаган мактабларда соғлом овқатланишни ташкил этиш, ижтимоий ҳимояга муҳтож оилаларнинг фарзандлари (ўқувчилар) учун имтиёзли шартларда овқатланишини таъминлаш, ошпазлик касбига эга бўлган ҳудудда ишсиз бўлган фуқароларни иш билан таъминлаш.

1. Умумтаълим мактаблари ошхоналарини ҳар бир ҳудуддан биттадан, 2022 йилдан бошлаб, босқичма-босқич туман (шаҳар)лар миқёсида ягона танлов ўтказиш орқали давлат-хусусий шериклик асосида инвестиция ва ижтимоий мажбуриятлар юкланган ҳолда ижарага бериш.

2. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан бир ой муддатда 2021 йилда ягона танлов ўтказиш орқали давлат-хусусий шериклик асосида умумтаълим мактаблари ошхоналарини ижарага бериш бўйича ҳудудлардан биттадан туман (шаҳар) рўйхатини Халқ таълими вазирлигига тақдим этиш.

3. Тадбиркорлик субъектларига умумтаълим мактабларининг ошхоналарини ижарага бериш бўйича танловларни ташкил этиш ва ўтказиш.

4. Ошхонаси мавжуд бўлмаган умумтаълим мактабларида ташаббускор тадбиркорлик субъектлари томонидан 5 — 10 йиллик муддатга ижара тўловисиз таълим муассасаси раҳбари билан тўғридан-тўғри шартнома тузган ҳолда ошхона фаолиятини юритиш учун бино ва ер майдонлари ажратиш.

5. Умумтаълим мактаблари ошхоналарининг тадбиркорлик субъектларига инвестиция ва ижтимоий мажбуриятлар юкланган ҳолда 10 йил муддатгача давлат-хусусий шериклик асосида бериш.

6. Соғлиқни сақлаш вазирлиги томонидан тасдиқланган рўйхат асосида умумтаълим мактабларининг ошхоналари ва буфетларида болалар соғлиғига зарарли ёки фойдасиз бўлган маҳсулотларнинг сотилишини тақиқлаш.

2021 йил 1 сентябрдан бошлаб

Халқ таълими вазирлиги, Соғлиқни сақлаш вазирлиги, Давлат активларни бошқариш агентлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари

Ўзбекистон Республикаси Президентининг 2021 йил 25 майдаги ПҚ-5124-сон қарорига
4-ИЛОВА

Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига киритилаётган ўзгартириш ва қўшимчалар

  1. Ўзбекистон Республикаси Президентининг 2018 йил 27 сентябрдаги «Ўзбекистон Республикасининг «Давлат харидлари тўғрисида»ги Қонунини амалга ошириш чора-тадбирлари тўғрисида»ги ПҚ-3953-сон қарори иловасининг 17-банди қуйидаги таҳрирда баён этилсин:

«17. Мажбурий суғурталаш бўйича ҳамда давлат тиббий суғуртаси доирасидаги хизматлар.».

  1. Ўзбекистон Республикаси Президентининг 2020 йил 10 февралдаги «Ўзбекистон Республикасида гематология ва трансфузиология хизматларини ривожлантириш ҳамда онкогематологик ва даволаш қийин бўлган касалликларга чалинган шахсларни янада қўллаб-қувватлаш чора-тадбирлари тўғрисида»ги ПҚ-4592-сон қарори 6 ва 7-бандлари ҳамда қарорга 1-илованинг 4-позицияси ўз кучини йўқотган деб ҳисоблансин.
  2. Ўзбекистон Республикаси Президентининг 2020 йил 2 октябрдаги «Соғлиқни сақлаш соҳасида давлат бошқаруви тизимини янада такомиллаштириш чора-тадбирлари тўғрисида»ги ПҚ-4847-сон қарори 3, 4 ва 5-иловаларининг матни қуйидаги таҳрирда баён этилсин:

«Қорақалпоғистон Республикаси Соғлиқни сақлаш вазирлиги

ТУЗИЛМАСИ

                                                                                                                             
                                               

Вазир

   

Ички аудит ва молиявий назорат хизмати

2

     
                                                         
                                                                                                                             
                                                                                                                             
   

Вазирнинг тиббий ёрдамни ташкиллаштириш бўйича биринчи ўринбосари

   

Вазирнинг оналик ва болаликни муҳофаза қилиш ҳамда репродуктив саломатлик бўйича ўринбосари

     

Вазирнинг рақамлаштириш ва давлат-хусусий шериклик бўйича ўринбосари

   

Қорақалпоғистон Республикаси Санитария-эпидемиологик осойишталик ва жамоат саломатлиги бошқармаси

 
                                                                 
                                                                 
                                                                 
                 

Тиббий хизмат сифатини назорат қилиш бўлими

3

 
                                                                 
                                                                                                                             
   

Даволаш-профилактика ёрдамини ва соғлиқни сақлаш кўрсатгичлари таҳлилини ташкиллаштириш бўлими

5

   

Оналар ва болаларга тиббий ёрдамни ташкиллаштириш бўлими

3

     

Соғлиқни сақлаш тизимини рақамлаштириш сектори

2

   

Соғлиқни сақлаш тизими инфратузилмасини ривожлантириш ва қурилишини ташкиллаштириш бўлими

3

 
                                                                 
                                                                 
                                                                 
                                                                 
                                                 

 

     

Лицензиялаш ва аккредитациялаш сектори

1

 
       

Нодавлат тиббиёт ташкилотлари

     

Давлат-хусусий шерикликни ривожлантириш бўйича бош мутахассис

1

                                                   
                                                                 
                                                         

Кадрлар бўйича бош мутахассис

1

 
   

Давлат тиббиёт ташкилотларида дори воситалари ва тиббий буюмларга бўлган эҳтиёжни шакллантириш бўйича бош мутахассис

1

                       

 

                                                       
                                                                                     
                                     

Бош юрисконсульт

1

 
                                                                                                         
                                 

Молиявий ва иқтисодий хизмат

2

                                                   
                                     

Иккинчи бўлим

2

 
                                                                                     
                                                                                                         
                                                                             

Туман (шаҳар) тиббиёт бирлашмалари

 
                                                                                                                             
                                                                                                                             

Бошқарув ходимларининг чекланган сони — 31 нафар.

Вилоятлар соғлиқни сақлаш бошқармаларининг

намунавий тузилмаси

                                                                                                                             
                                               

Бошлиқ

   

Ички аудит ва молиявий назорат хизмати

1 — 3

     
                                                         
                                                                                                                             
                                                                                                                             
   

Бошлиқнинг тиббий ёрдамни ташкиллаштириш бўйича биринчи ўринбосари

   

Бошлиқнинг оналик ва болаликни муҳофаза қилиш ҳамда репродуктив саломатлик бўйича ўринбосари

     

Бошлиқнинг рақамлаштириш ва давлат-хусусий шериклик бўйича ўринбосари

   

Санитария-эпидемиологик осойишталик ва жамоат саломатлиги бошқармалари

 
                                                                 
                                                                 
                                                                 
                 

Тиббий хизмат сифатини назорат қилиш бўлими

3

 
                                                                 
                                                                                                                             
   

Даволаш-профилактика ёрдамини ва соғлиқни сақлаш кўрсатгичлари таҳлилини ташкиллаштириш бўлими

4-5

   

Оналар ва болаларга тиббий ёрдамни ташкиллаштириш бўлими

1-2

     

Соғлиқни сақлаш тизимини рақамлаштириш сектори

2

   

Соғлиқни сақлаш тизими инфратузилмасини ривожлантириш ва қурилишини ташкиллаштириш бўлими

2 — 4

 
                                                                 
                                                                 
                                                                 
                                                                 
                                                         

Лицензиялаш ва аккредитациялаш сектори

1

 
       

Нодавлат тиббиёт ташкилотлари

     

Давлат-хусусий шерикликни ривожлантириш бўйича бош мутахассис

1

                                                   
                                                                 
                                                         

Кадрлар бўйича бош мутахассис

1

 
   

Давлат тиббиёт ташкилотларида дори воситалари ва тиббий буюмларга бўлган эҳтиёжни шакллантириш бўйича бош мутахассис

1

                                                                                 
                                                                                     
                                     

Бош юрисконсульт

1

 
                                                                                                         
                                 

Молиявий ва иқтисодий хизмат

2

                                                   
                                     

Иккинчи бўлим

2

 
                                                                                     
                                                                                                         
                                                                             

Туман (шаҳар) тиббиёт бирлашмалари

 
                                                                                                                             
                                                                                                                             

Бошқарув ходимларининг чекланган сони — 26 — 32 нафар.

Тошкент шаҳар соғлиқни сақлаш бош бошқармасининг

ТУЗИЛМАСИ

                                                                                                                             
                                               

Вазир ўринбосари — бошлиқ

   

Ички аудит ва молиявий назорат хизмати

2

     
                                                         
                                                                                                                             
                                                                                                                             
   

Бошлиқнинг тиббий ёрдамни ташкиллаштириш бўйича биринчи ўринбосари

   

Бошлиқнинг оналик ва болаликни муҳофаза қилиш ҳамда репродуктив саломатлик бўйича ўринбосари

     

Бошлиқнинг рақамлаштириш ва давлат-хусусий шериклик бўйича ўринбосари

   

Тошкент шаҳар Санитария-эпидемиологик осойишталик ва жамоат саломатлиги бошқармаси

 
                                                                 
                                                                 
                                                                 
                 

Тиббий хизмат сифатини назорат қилиш бўлими

3

 
                                                                 
                                                                                                                             
   

Даволаш-профилактика ёрдамини ва соғлиқни сақлаш кўрсатгичлари таҳлилини ташкиллаштириш бўлими

6

   

Оналар ва болаларга тиббий ёрдамни ташкиллаштириш бўлими

3

 

 

 

Соғлиқни сақлаш тизимини рақамлаштириш сектори

2

   

Соғлиқни сақлаш тизими инфратузилмасини ривожлантириш ва қурилишини ташкиллаштириш бўлими

3

 
                                                                 
                                                                 
                                                                 
                                                                 
                                                         

Лицензиялаш ва аккредитациялаш сектори

1

 
       

Нодавлат тиббиёт ташкилотлари

     

Давлат-хусусий шерикликни ривожлантириш бўйича бош мутахассис

1

                                                   
                                                                 
                                                         

Кадрлар бўйича бош мутахассис

1

 
   

Давлат тиббиёт ташкилотларида дори воситалари ва тиббий буюмларга бўлган эҳтиёжни шакллантириш бўйича бош мутахассис

1

                                                                                 
                                                                                     
                                     

Бош юрисконсульт

1

 
                                                                                                         
                                 

Молиявий ва иқтисодий хизмат

2

                                                   
                                     

Иккинчи бўлим

2

 
                                                                                     
                                                                                                         
                                                                             

Туман тиббиёт бирлашмалари

 
                                                                                                                             
                                                                                                                             

Бошқарув ходимларининг чекланган сони — 32 нафар».

  1. Ўзбекистон Республикаси Президентининг 2020 йил 30 декабрдаги «Ўзбекистон Республикасининг «2021 йил учун Ўзбекистон Республикасининг Давлат бюджети тўғрисида»ги Қонуни ижросини таъминлаш чора-тадбирлари тўғрисида»ги ПҚ-4938-сон қарорига 7-иловада 5-позиция қуйидаги таҳрирда баён этилсин:

«

     

5.

Соғлиқни сақлаш соҳасида ахборот тизимларини яратиш, такомиллаштириш ва жорий этиш, шунингдек, ахборот коммуникация ва технологиялари инфратузилмасини ривожлантириш

млрд. сўм

28,0

     

».

  1. Ўзбекистон Республикаси Президентининг 2021 йил 11 майдаги «Хизматлар соҳасини жадал ривожлантириш чора-тадбирлари тўғрисида»ги ПҚ-5113-сон қарорига 2-илованинг 21 ва 33-позициялари ўз кучини йўқотган деб ҳисоблансин.
  2. Вазирлар Маҳкамасининг 2003 йил 25 августдаги «Никоҳланувчи шахсларни тиббий кўрикдан ўтказиш тўғрисидаги низомни тасдиқлаш ҳақида»ги 365-сонли қарори:

а) қуйидаги мазмундаги 21-банд билан тўлдирилсин:

«21. Кўп тармоқли марказий поликлиникаларда никоҳланувчи шахсларни тиббий кўрикдан ўтказиш бўйича уларга маслаҳат бериш ва тиббий хизмат кўрсатувчи муассасалар фаолиятини мониторинг қилиб, мавжуд муаммоларни таҳлил этиш, умумлаштириш Республика ва ҳудудий аҳоли репродуктив саломатлиги марказларининг (кейинги ўринларда — Марказлар) асосий вазифаларидан бири этиб белгилансин.

Мазкур вазифаларни амалга ошириш учун Марказлар тузилмасига соғлиқни сақлаш тизими ташкилотларининг амалдаги штатлари доирасида мутахассис штатлар (тиббий-генетик, психолог, IT-технологиялари бўйича мутахассис) киритилсин.

Ўзбекистон Республикаси Соғлиқни сақлаш вазирлиги бир ой муддатда Марказлар моддий-техника базасини мустаҳкамлаш бўйича Вазирлар Маҳкамасига асослантирилган таклиф киритсин»;

б) қуйидаги мазмундаги 31-банд билан тўлдирилсин:

«31. Ўзбекистон Республикаси Ахборот технологиялари ва коммуникацияларини ривожлантириш вазирлиги Соғлиқни сақлаш вазирлиги билан биргаликда икки ой муддатда ФҲДЁ органлари билан тиббиёт муассасалари, хусусан кўп тармоқли марказий поликлиникалар, Марказлар ўртасида никоҳланувчиларнинг ягона автоматлаштирилган электрон базасини шакллантирсин»;

в) 1-иловасида:

6-банд қуйидаги мазмундаги иккинчи ва учинчи хатбошилар билан тўлдирилсин:

«Никоҳланувчи шахслар доимий ёки вақтинчалик яшаш жойидаги туман (шаҳар) кўп тармоқли марказий поликлиникаларида бепул диспансеризациядан, яъни кардиолог, эндокринолог, ревматолог, уролог мутахассислари жалб қилинган ҳолда никоҳ олди тиббий кўрикдан ўтади ҳамда қўшимча УТТ, ЭКГ, умумий қон таҳлили, қондаги қанд миқдори аниқланади.

Никоҳланувчи шахслар учун тиббий кўрик жараёнида генетик текширувларга зарурат бўлганда, уларнинг ўзаро келишуви асосида ушбу текширувлар пуллик асосда амалга оширилиши мумкин»;

иккинчи хатбоши тўртинчи хатбоши деб ҳисоблансин;

31-банд қуйидаги таҳрирда баён этилсин:

«31. Агар никоҳланувчи шахсларни тиббий кўрикдан ўтказиш натижасида уларнинг биттасида ёки ҳар иккаласида мазкур Низомга 1-иловада назарда тутилган касаллик, шунингдек, диспансеризация натижасида бошқа касалликлар аниқланган тақдирда, никоҳни қайд этиш томонларнинг ушбу текшириш натижаларидан хабардорлиги тасдиқланганидан кейин амалга оширилади».

  1. Вазирлар Маҳкамасининг 2017 йил 21 июндаги 405-сон қарори билан тасдиқланган Тиббий фаолиятни лицензиялаш тартиби тўғрисидаги низомда:

а) 10-банднинг «а» кичик бандида:

иккинчи хатбоши қуйидаги таҳрирда баён этилсин:

«бош шифокорда — олий тиббий маълумот, бошқа врач-мутахассисларда (олий тиббий таълим маълумотига эга бўлмаган, халқ табобати усулларидан фойдаланган ҳолда тиббий фаолият билан шуғулланувчи шахслардан ташқари) тегишли тиббий мутахассислик бўйича олий маълумот»;

қуйидаги таҳрирдаги тўртинчи хатбоши билан тўлдирилсин:

«иш стажи беш йилдан ошган олий тиббий маълумотли шифокорда ихтисослиги бўйича малака тоифа»;

тўртинчи — ўн учинчи хатбошилар тегишинча бешинчи — ўн тўртинчи хатбошилар деб ҳисоблансин;

б) 22-банд:

қуйидаги таҳрирдаги иккинчи хатбоши билан тўлдирилсин:

«Қўшимча тиббий ихтисослик турини ёки нодавлат тиббиёт ташкилоти филиалини лицензиялашда унинг лицензия талаблари ва шартларига мувофиқлигини ўрганиш фақат сўралаётган тиббий ихтисослик тури ҳамда ташкилот филиали қисмида ўтказилади»;

иккинчи — саккизинчи хатбошилар тегишли равишда учинчи — тўққизинчи хатбошилар деб ҳисоблансин;

саккизинчи ва тўққизинчи хатбошилар қуйидаги таҳрирда баён этилсин:

«Лицензияловчи органнинг лицензия бериш, муассаса турини ўзгартириш (амбулатор ёки стационар), филиал очиш, лицензияга янги тиббий ихтисосликларни қўшиш, тиббий хизмат ҳажмини ўзгартириш (консерватив ёки оператив) ёки уни беришни рад этиш ҳақидаги қарори умумий тартиб бўйича уч кун муддатда, тезлаштирилган тартиб бўйича бир иш куни давомида тасдиқланади ва лицензия бериш ёки уни беришни рад этиш учун асос ҳисобланади;

Лицензияловчи орган умумий тартиб бўйича икки кун муддатда, тезлаштирилган тартиб бўйича эса лицензия бериш, муассаса турини ўзгартириш (амбулатор ёки стационар), филиал очиш, лицензияга янги тиббий ихтисосликларни қўшиш, тиббий хизмат ҳажмини ўзгартириш (консерватив ёки оператив) ҳақида қарор қабул қилинган куннинг ўзида лицензия талабгорини у ўз аризасида кўрсатган шаклда, банк ҳисоб рақами реквизитлари ва давлат божини тўлаш муддати кўрсатилган ҳолда қабул қилинган қарор тўғрисида хабардор қилади»;

қуйидаги таҳрирдаги ўнинчи хатбоши билан тўлдирилсин:

«Муассаса тури ўзгарганда (амбулатор ёки стационар), филиал очилганда, лицензияга янги тиббий ихтисосликлар қўшилганда, тиббий хизмат ҳажми ўзгарганда (консерватив ёки оператив) тегишли ўзгартириш ва қўшимчалар мавжуд лицензияга киритилади, бунда лицензиянинг амал қилиш муддати ўзгармайди»;

в) 36-банд қуйидаги таҳрирдаги иккинчи хатбоши билан тўлдирилсин:

«Тиббий фаолиятни амалга ошириш учун лицензия талаблари ва шартлари бузилган тақдирда, лицензиянинг амал қилиши фақат бундай бузилишларга йўл қўйилган тиббий ихтисослик тури қисмида тўхтатилади (тугатилади) (амалдаги бошқа тиббий ихтисосликлар фаолиятини таъминловчи ихтисослик турларидан ташқари) ва лицензия амалдаги бошқа тиббий ихтисослик турлари қисмида белгиланган тартибда қайта расмийлаштирилади»;

иккинчи хатбоши учинчи хатбоши деб ҳисоблансин.

 

(Қонунчилик маълумотлари миллий базаси, 25.05.2021 й., 07/21/5124/0487-сон, 29.07.2021 й., 07/21/5199/0721-сон, 10.09.2021 й., 06/21/6311/0861-сон)


ПҚ-5124
1972
Распечатать
Нажмите на кнопку ниже, чтобы прослушать текст Powered by GSpeech