OʻZBEKISTON RESPUBLIKASI SOGʻLIQNI SAQLASH VAZIRINING

BUYRUGI

2019yil “10” 01

№ 8

Toshkent sh.

Ўзбекистон Республикаси Президентининг 2018 йил 19 декабрдаги “Ўзбекистон Республикасининг 2019 йилга мўлжалланган Инвестиция дастурини амалга ошириш чора-тадбирлари тўғрисида”ги

ПҚ-4067-сон қарори ҳақида

Ўзбекистон Республикаси Президентининг 2018 йил 19 декабрдаги “Ўзбекистон Республикасининг 2019 йилга мўлжалланган Инвестиция дастурини амалга ошириш чора-тадбирлари тўғрисида”ги ПҚ-4067-сон қарори ижросини таъминлаш, соғлиқни сақлаш тизимидаги устувор лойиҳаларни амалга ошириш учун йўналтирилган маблағлардан унумли фойдаланиш мақсадида буюраман:

1. Ўзбекистон Республикаси Президентининг 2018 йил 19 декабрдаги “Ўзбекистон Республикасининг 2019 йилга мўлжалланган Инвестиция дастурини амалга ошириш чора-тадбирлари тўғрисида”ги ПҚ-4067-сон қарори раҳбарлик ва ижро учун қабул қилинсин.

2. Қуйидагилар:

мазкур қарор ижросини таъминлаш юзасидан тадбирлар режаси 1-иловага мувофиқ;

2019 йилга мўлжалланган Инвестиция дастурини амалга ошириш чора-тадбирлари тўғрисидаги қарори доирасида соғлиқни сақлаш объектларида қурилиш, реконструкция ва капитал таъмирлаш ишларининг бажарилиши юзасидан мониторинг ўтказиш ва амалий ёрдам кўрсатиш мақсадида вазир ва вазир ўринбосарларидан ташкил топган ишчи гуруҳ таркиби 2-иловага мувофиқ;

2019 йилга мўлжалланган Инвестиция дастурини амалга ошириш чора-тадбирлари тўғрисидаги қарори доирасида соғлиқни сақлаш объектларида қурилиш-таъмирлаш ишларини мониторинг қилиш бўйича ишчи гуруҳининг бириктирилган ҳудудларга чиқиш жадвали 3-иловага мувофиқ;

2019 йилга мўлжалланган Инвестиция дастурини амалга ошириш чора-тадбирлари тўғрисидаги қарори доирасида соғлиқни сақлаш объектларида қурилиш-таъмирлаш ишларини мониторинг қилиш бўйича ишчи гуруҳи аъзоларининг вазифалари 4-иловага мувофиқ;

2019 йилга мўлжалланган Инвестиция дастурини амалга ошириш чора-тадбирлари тўғрисидаги қарори доирасида соғлиқни сақлаш тизимида амалга оширилаётган ишлар юзасидан ҳисобот бериш жадвали 5-иловага мувофиқ тасдиқлансин.

3. Соғлиқни сақлаш вазирлигининг Бирлашган қурилишлар дирекцияси, Қорақалпоғистон Республикаси Соғлиқни сақлаш вазирлиги, Тошкент шаҳар ва вилоятлар соғлиқни сақлаш бошқармалари раҳбарларига:

манзилли рўйхатни шакллантиришда технологик ускуналарни етказиб берувчи ва пудрат ташкилотлари билан келишилган ҳолда ишлаб чиқилган тармоқ жадваллари, молиялаштириш манбаи ва ҳажми узвий боғлиқлигига алоҳида эътибор қаратсин;

2019 йил 25 февралгача қурилиш, реконструкция ва капитал таъмирлаш ишлари олиб бориладиган объектларнинг тармоқ жадвалларини ўрнатилган тартибда, тасдиқланган ҳолда вазирликнинг Қурилиш ва моддий-техник базани жиҳозлашни мувофиқлаштириш бошқармасига тақдим қилсин;

2019 йилга мўлжалланган Инвестиция дастурини амалга ошириш чора-тадбирлари тўғрисидаги қарорига кирган соғлиқни сақлаш объектларида тармоқ жадвали асосида амалга оширилаётган қурилиш-таъмирлаш ишларини ажратилган лимитга нисбатан кутилаётган ўзлаштиришлар тўғрисида ҳар ойнинг 22-санасида, аниқ ўзлаштиришлар тўғрисида эса ҳар ойнинг 3-санасигача маълумотларни вазирликнинг Қурилиш ва моддий-техник базани жиҳозлашни мувофиқлаштириш бошқармасига тақдим этилиши таъминласин.

4. Соғлиқни сақлаш вазирлигининг Қурилиш ва моддий-техник базани жиҳозлашни мувофиқлаштириш бошқармаси (А.Норбеков), Соғлиқни сақлаш вазирлигининг Бирлашган қурилишлар дирекцияси, Қорақалпоғистон Республикаси Соғлиқни сақлаш вазирлиги, Тошкент шаҳар ва вилоятлар соғлиқни сақлаш бошқармалари раҳбарлари:

ушбу буйруқнинг 5-иловасига мувофиқ тасдиқланган режа-жадвал ижроси бўйича ишчи гуруҳи таркиби ва ҳудудий соғлиқни сақлаш бошқармаларининг умумий масалалар бўйича ўринбосарлари иштирокида ҳар ойда йиғилиш ўтказилишини таъминласин;

Ўзбекистон Республикасининг 2019 йилга мўлжалланган Инвестиция дастурини амалга ошириш чора-тадбирлари тўғрисидаги қарор ижросини мазкур буйруқнинг 2-иловасига мувофиқ тасдиқланган тадбирлар режаси асосида амалга оширсин;

мазкур буйруқ ижросини таъминлаш, унда кўзда тутилган ишларнинг боришини назорат қилиш ва амалий ёрдам кўрсатиш учун жойларда мониторинг гуруҳларини ташкил этсин;

Ўзбекистон Республикаси Президентининг ҳудудларга ташрифи давомида дастурга қўшимча равишда киритиладиган объектлар бўйича лойиҳа-смета ҳужжатларини қисқа муддатда ишлаб чиқилишини таъминласин;

5. Инвестиция лойиҳалари ва мурувват ёрдамини мувофиқлаштириш бошқармаси (С. Мирзаҳмедов) лойиҳаларни амалга ошириш гуруҳлари ва бюро раҳбарлари (Р. Ишанходжаев):

бир ҳафта муддатда 2019 йилга мўлжалланган Инвестиция дастурини амалга ошириш чора-тадбирлари тўғрисидаги қарори доирасида тиббиёт муассасаларини жиҳозлаш учун ажратилган маблағларни ўзлаштириш мақсадида соғлиқни сақлаш тизимидаги тиббиёт муассасаларини тегишли асбоб-ускуналар билан жиҳозлаш бўйича Ўзбекистон Республикаси Президенти ҳузуридаги Лойиҳа бошқаруви миллий агентлигига таклиф киритилишини;

бир ҳафта муддатда лойиҳаларни амалга ошириш бўйича “Йўл харитаси”ни ишлаб чиқиб, тасдиқлаш учун Ўзбекистон Республикаси Вазирлар Маҳкамасига киритилишини;

мазкур қарорнинг 17 ва 18-иловаларига киритилган лойиҳалар бўйича лойиҳаолди ва лойиҳа ҳужжатларини 2019 йилда ишлаб чиқиш, экспертизадан ўтказиш ва тасдиқлаш юзасидан шахсий жавобгарлик юклансин.

6. Қурилиш ва моддий-техник базани жиҳозлашни мувофиқлаштириш бошқармаси (А.Норбеков) юқоридаги қарор билан тасдиқланган дастурдаги Соғлиқни сақлаш вазирлигига тегишли вазифалар ижро этилиши устидан мониторингини олиб борсин ва белгиланган вазифалар бўйича амалга оширилган ишлар тўғрисида Вазирлар Маҳкамасига ахборот киритиб борсин.

7. “Ахборот-коммуникация технологияларини ривожлантириш маркази” ДУК (Д.Усмонов) мазкур буйруқ вазирликнинг веб-сайтига жойлаштирилишини таъминласин.

8. Мазкур буйруқнинг ижросини назорат қилиш вазир ўринбосари Б.М.Низомов зиммасига юклатилсин.

Вазир в.в.б.

Б. Юсупалиев

Ўзбекистон Республикаси

Соғлиқни cақлаш вазирлигнинг

2019 йил “10” январдаги 8 - сонли буйруғига 1-илова

Ўзбекистон Республикаси Президентининг 2018 йил 19 декабрдаги ПҚ-4067-сон “Ўзбекистон Республикасининг 2019 йилга мўлжалланган Инвестиция дастурини амалга ошириш чора-тадбирлари тўғрисида”ги қарори ижросини таъминлаш юзасидан тадбирлар

РЕЖАСИ

Ўзбекистон Республикаси

Соғлиқни cақлаш вазирининг

2019 йил “10” январдаги 8- сонли буйруғига 2-илова

2019 йилга мўлжалланган Инвестиция дастурини амалга ошириш чора-тадбирлари тўғрисидаги қарор доирасида қурилиш, реконструкция ва капитал таъмирлаш ишларининг бажарилиши юзасидан мониторинг ўтказиш ва амалий ёрдам кўрсатиш мақсадида тузилган ишчи гуруҳ таркиби

Ўзбекистон Республикаси

Соғлиқни cақлаш вазирининг

2019 йил 10 январдаги 8 - сонли буйруғига 3-илова

Ўзбекистон Республикаси Соғлиқни сақлаш вазирлиги томонидан 2018 йил инвестиция ва инфратузилма лойиҳаларини мониторинг қилиш бўйича ҳудудларга бириктирилган ишчи гуруҳ таркиби

Ўзбекистон Республикаси

Соғлиқни cақлаш вазирининг 2019 йил 10 январдаги 8 - сонли буйруғига 4-илова

Топшириқларнинг ижроси ва моҳиятини тушунтириш ҳамда олиб борилаётган ишларни мониторинг қилиш бўйича ишчи гуруҳ таркиби аъзоларининг вазифалари

1. Давлат ривожлантириш дастурига киритилган объектларда олиб борилаётган қурилиш ишларини назорат қилиш.

2. Қурилиш ва реконструкция ишларини олиб боришда оптимизация ва реструктуризация ишларига берилаётган эътиборни таҳлил қилиш.

3. Буйруқнинг 3-иловаси бўйича тасдиқланган график асосида ўзларига бириктирилган ҳудудларда олиб борилаётган қурилиш ишларини бориши тўғрисида ўтказиладиган йиғилишларда қатнашиш.

4. Давлат ривожлантириш дастурига киритилган объектларнинг тендер савдолари ўтказилиши юзасидан назорат олиб бориш.

5. Пудрат ташкилотлари билан тузилган шартнома бўйича тармоқ жадвалларини тузиш ва уни тасдиқлаш бўйича назорат олиб бориш.

6. Ҳар ойда 1 марта Соғлиқни сақлаш вазирлиги буйруғи асосида объектларда олиб борилаётган қурилиш ишларини жойига чиқиб ўрганиш ва таҳлил қилиш. Таҳлил натижаси тўғрисида ҳисоботларнинг электрон ва қоғоз шаклини тайёрлаб, таркибий тузилма бўйича масъул шахсга (Вазир ўринбосари ва бошқарма бошлиғига) ҳамда Инвестиция дастурлари ва лойиҳаларини ташкиллаштириш ва мувофиқлаштириш бош бошқармасига тақдим қилиш.

7. Ҳар ойнинг 3-санасигача объектларда бажарилган ишлар ҳажми юзасидан аниқ ўзлаштиришлар тўғрисидаги маълумотларни Қурилиш ва моддий-техник базани жиҳозлашни мувофиқлаштириш бошқармасига тақдим қилиш. Маълумотлар вилоят Ягона буюртмачи хизмати инжиниринг компанияси ва Қорақалпоғистон Республикаси Соғлиқни сақлаш вазирлиги, вилоят Соғлиқни сақлаш бошқармаси томонидан тасдиқланиши шарт.

8. Қурилиш ва реконструкция ишларини олиб боришда оптимизация ва реструктуризация ишларига берилаётган эътиборни таҳлил қилиш.

9. Буйруқнинг 3-иловаси бўйича тасдиқланган график асосида ўзларига бириктирилган худудларда олиб борилаётган қурилиш ишларини бориши тўғрисида ўтказиладиган йиғилишларда ҳисобот бериш.

10. Ҳар 2 ойда 1 марта Соғлиқни сақлаш вазирлиги буйруғи асосида объектларда олиб борилаётган қурилиш ишларини жойига чиқиб ўрганиш ва таҳлил қилиш. Таҳлил натижаси тўғрисида ҳисоботларнинг электрон ва қоғоз шаклини тайёрлаб, таркибий тузилма бўйича масъул шахсга (Вазир ўринбосари ва бошқарма бошлиғига) ҳамда Қурилиш ва моддий-техник базани жиҳозлашни мувофиқлаштириш бошқармасига тақдим қилиш.

11. Объектларда олиб борилаётган қурилиш ва реконструкция ишларида тармоқ жадвалларига риоя қилинишини назорат қилиш.

12. Қурилиш ва реконструкция ишларида санитария меъёр ва қоидалари асосида амалга оширилаётганлигини назорат қилиш.

13. Қурилиш ишларидаги сифат ва қурилиш материаллари сифатини назорат қилиш.

14 Ҳар ойнинг 22 санасигача объектларда бажарилиши кутилаётган ишлар ҳажми юзасидан кутилаётган ўзлаштиришлар тўғрисидаги маълумотларни Инвестиция дастурлари ва лойиҳаларини ташкиллаштириш ва мувофиқлаштириш бош бошқармасига тақдим қилиш. Маълумотлар ва Қорақалпоғистон Республикаси Соғлиқни сақлаш вазирлиги, вилоят Соғлиқни сақлаш бошқармаси томонидан тасдиқланиши шарт.

15. Буйруқнинг 3-иловаси бўйича тасдиқланган график асосида ўзларига бириктирилган ҳудудларда олиб борилаётган қурилиш ишларини бориши тўғрисида ўтказиладиган йиғилишларда ҳисобот бериш.

Ўзбекистон Республикаси

Соғлиқни cақлаш вазирлигининг 2019 йил 10 январдаги 8- сонли буйруғига 5-илова

2019 йилга мўлжалланган Инвестиция дастурини амалга ошириш чора-тадбирлари тўғрисидаги қарори доирасида олиб борилаётган ишлар тўғрисида Қорақалпоғистон Республикаси Соғлиқни сақлаш вазирлиги, вилоятлар ва Тошкент шаҳар Соғлиқни сақлаш бош бошқармалари томонидан вазирликга ҳисобот бериш жадвали