Шарқ гавҳари дея аталмиш гўзал Самарқанд шаҳри бир ҳафта ўтиб, яна бир йирик анжуманга мезбонлик қилмоқда. 3-4 июнь кунлари ушбу қадимий кентда Ўзбекистон — Россия халқаро соғлиқни сақлаш форуми бўлиб ўтади. Бугун соат 09:30 да “Silk Road Samarkand” мажмуаси “Minyoun” меҳмонхонасида мазкур нуфузли тадбирнинг расмий очилиши бошланади.

Анжуманда Ўзбекистон Соғлиқни сақлаш вазири Амрилло Иноятов, Россия Федерацияси Соғлиқни сақлаш вазири Михаил Мурашко, шунингдек дипломатик корпус вакиллари, ҳар икки томоннинг етакчи тиббиёт олий ўқув юртлари ректор ва профессорлари, нуфузли тиббиёт клиникалари, илмий тадқиқот институтлари, ихтисослаштирилган тиббиёт марказлари, йирик фармацевтика ва тиббиёт компаниялари раҳбарлари иштирок этиши кутилмоқда.

Оммавий ахборот воситалари ходимларини ушбу халқаро анжуманга таклиф этамиз.

Соғлиқни сақлаш вазирлиги
Матбуот хизмати.